بجد نفسى اعرف مين صاحب فكرة ان اسوار المدارس الحكومية والخاصة ? أحياناً ? يترسم عليها علشان اقوله فكرة حضرتك هباااااب هباااب، منتهى التلوث البصرى اسوار المدارس بقى شكلها بشع زى العجوز الشمطاء اللى بتحط ميكب بغباء يعنى فى طريقى من الشغل للبيت بعدى على 3 ? 4 مدارس حسب الطريق اللى بياخدة الميكروباص وياسلام بقى لو رايحة فيصل عند اختى الشارع فيه ما لا يقل عن 4 مدارس كلها أسوياء من بعض بالكتابات الركيكة والرسوم اللى شبة رسوم أطفال الحضانة وغالباً كانت الغاية تجميل هذه الأسوار ومنع وضع الإعلانات عليها لكن التنفيذ جه اكتر من سيئ طبعاً دة متوقع لأن كل مدرسة مسئولة عن دهان السور بمعرفتها وفى النهاية بترسى على خطاط جنبهم يعنى يوم ما نفكر فكرة كويسة ننفذها تنفيذا هبابا الرسومات الموجودة على أسوار المدارس منظر فى منتهى البشاعه يعنى كان هايحصل إيه لو وزارة التعليم نسقت مع وزاة التعليم العالى وسابت الأسوار دى لطلبة فنون جميلة كتدريب صيفى على الأقل مكناش هانشوف المناظر اللى تجيب الاكتئاب دي. يارب صبرنى على العيشة فى البلد دى .
تقييم المقال 