.. وأنا كنت شاهد ... صار إسمها غزة / ( بلا قدس ٍ) ولا حطين فيروس / وجــوّه القلب كان لابد محروم ما عدش يشم ريحة الطين ولا خبيز أمه صارت سيرته بتشبع ؟) الغربة سرقت عـِفـّة العابد .. إذ كانت الهجرة لحضن تابوت غاشى بســراب العشق / على بيروت تظل عطشــان يا شاعر فى جميع لاحوال على شط نهر شحيــــح .. وبحر جريح وكدب خـِيـــال تجوع وظنك تحت فى التــــوت تبات شبعان يا نص ( مسيــــح ).. تاه / نص ( مهدى ) إلى سبيــل مولاه.. ما عدش نخجل من دموع الأم ساعة الموت ما فيناش ح نقبل نمــــوت .. صابحة الأمانى قد ( ماشى الحال) .. ما نشيت وبوستر / وصوت على حافة الملكوت وما عدش فارقة الأغانى معاها _ عم وخال الثورة شرقانة لشيكات بنكنوت .. وخطب من الصنف التقيل / قوال.. فى ساحات بلا فلاحين زْيتون / ولا عمال.. وبيـوت بلا أطفــال ولغــات بلا أفعـــال رجال بتتراهن على النبــوت.. العقل صابــها ضربـها فى مقتل لما غصبها الكرسى و الصنـــدوق اللى ماطالشى يدوق الحق صار تحت السلاح محقوق ونزل بحكم الســـوق بفن وزوق صار الزعيم أعقل .. أناشيد وبنادير وشاعر فى الحضور/ أول وسجون ما تخلاش من الشعراء الكل فى حمايتها ورعايته صبح أقوى ولو أفشل .. فنى وأشول بيدّى الفضل للأفضل لصاحب الفضل ـ صاحب الأمر حامل الختم بيقرر / وبيوقع.. وشيخ قبيلة عجوز صاحب غرض ونفوذ ما دمنا فى سهرته نشرب / ولا نسكر لحد ما نقتنع برؤيته نركع نبكى لوحدينا / مع بعضينا بنكركع كافة جواعى الأرض / تتكّرع ما دام تشبع مع الصباح المغيّم بالعَشم نرجع نعيد جميع اللى قلناه أمس م الأول الوقت حوالينا وقدامنا سهرتنا تسرق زمان من تحت أقدامنا مش دريانين باللى جوّه عروقنا بيْغوّل ولا اللى جوّه قلوبنا بتحوّل قلبك بيتكفن وهوّه ع الحسَــك حافى والبنت أم الشفايف شهد وبنفسج قلقانة جّواك بتسهر فيك صباحى.. عاجزة وعليلة القوافي قدام طوفان الغيافي رمل ٌونفط ٌ/ وطبع يعكر الصافى.. حاضر/ مدن من صدي وبيارات من أغاني دم و حجر ودموع فى وهم سراديب الرجوع .. بتموت سلمت روحك فى شبك العجز متكدر ممقوت كما بسمة بتزهر وتتمرر محموم ومهموم كسيف البال عليل موجوع بيعصرك حزن متقدر تدوب تراتيل مواويل من قهر/ ما لوش فى تاريخ الحرية مثيل مفتاح بيتك مش فى رقبتك _ ضاع أولادك لسة ف ضهرك حمل تقيل / ورضاع.. وقتك مش وقتك . واتفردت بيك الأوجاع راح ترجع فين؟ ولمين؟! الأرض بتضرب بسبع تلسن فالتين تلسع بسبع كرابيج / فى يسار ويمين كرابيج من تيل الكفر ومن عصى الدين. نسوان رجالة زعماء / أبطال بهاليل عاجزين.. شهداء/ ما لهمش أسامى / مجاهيل تايهين كلـّتهم بيشمــّوا هواك وهوانك يتملـّوا حروفك / أوزانك لكن نين فيهم صهلل بخيالك عشش عاش فى وجدانك مين منهم مــرّة اتنازل وقرا اللى فى بالك وحشاك الأرض اللى ما عدشى بتتهجـّى بهاك سيبتها سايباك فى الغربة بتتكفن بقصايدك ياللى الدنيا كلها بكره ح تتدفى بأشعارك ومعاك راح تبكى على روحها يجوز تتجاوز عجزها وجروحها / تداوى مجاريحها تنعى وتوعى خرابها / ديارك.. إيـاك.. اوعى تبص وراك كل اللى حبك يتمنى لو دفنوه ويــــاك.. عايز ينسى بلــْوتـُه فى بلواك يتعلـّق ببواقى الوطن المسجـــون جواك اللى نزعـــوه أولاده من جلد التاريــخ دفنوه فى سديــــم الجغرافيا فى أضابير أوراق وخطابات / متبادلة واتفاقات وخطب / متجادلة وقصايد يد هبلة / ومتفائلة.. تحت جدار من لحم ودم واسمنت وأسلاك.. ومازال فيهم / يتمنوا قيامه وصعوده _ معاك .. من حمأة لعنة خلافاتهم من حرقة خناقاتهم لمســـار أرواح الشهداء فى مدار الأفــــلاك ..
تقييم المقال 
